Aizawl: Mizoram sawrkara taxation department chuan kumin Apri - July (thla li) chhungin chhiah chi hrang hrang Rs. 3,28,29,88,256 an hmu tawh a. Kum kal mek, 2022-23 chhunga chhiah hmuh beisei zat (target) chu Rs. 7,30,03,51,000 (vbc. 730.03) a ni.

Taxation department tar lan danin chhiah chi li - GST, profession tax, sales tax leh entertainment tax lak thin a ni a. Thla li chhungin GST-ah Rs. 2,94,17,99,308, profession tax-ah Rs. 3,71,36,243, sales tax-ah Rs. 30,38,65,659 leh entertainment tax-ah Rs. vbc. 88,876 leh chhiah dang atangin Rs. 98,170 an hmu tawh.

April-ah Rs. 90,46,82,225 chhiah hmuin May-ah Rs. 93,46,38,881, June-ah Rs. 80,00,86,741 leh July-ah Rs. 64,35,80,409 a hmu tawh a, tun thla li chhunga chhiah hmuh tawh zawng zawng chu Rs. 3,28,29,88,256 a tling. 

Kum tin sawrkarin tax revenue lakkhawm zat tur a bituk thin a, kum 2021-22 chhung khan chhiah khawn tur a bituk zat chu Rs. vbc. 717.13 a ni a, an target chu Rs. vbc. 177.71-a khumin an chhiah khawn zawng zawng tling khawm Rs. vbc. 894.74 a ni.

Chhiah hmuh dan (in Rs.)

Thla         2021-22               2022-23
April       93,04,70,699        90,46,82,225
May        32,94,31,107       93,46,38,881
June       75,71,16,919        80,00,86,741
July        69,92,59,252        64,35,80,409
TOTAL    2,71,62,77,977     3,28,29,88,256