Aizawl: Mizoram sawrkar a Taxation department chuan kumin April - August (thla nga) chhungin chhiah chi hrang hrang Rs. 4,16,32,82,023 an hmu tling tawh a, chu chu 2022-23 a chhiah hmuh beisei zat (target) Rs. 7,30,03,51,000 (vbc. 730.03) atangin za a 57.02 a tling. Hetihlai hian chhiah hmuhna pui ber chu GST a ni.

Taxation department tar lan danin, chhiah chi li - GST, profession tax, sales tax leh entertainment tax lak thin a ni a, kumin thla nga chhungin, GST-ah Rs. 3,58,11,13,232, profession tax-ah Rs. 5,16,35,449, sales tax-ah Rs. 53,03,29,196 leh entertainment tax-ah Rs. 88,876 leh chhiah dang atangin Rs. 1,15,270 an hmu tawh.

Kum kal mek, April-ah Rs. 90,46,82,225 chhiah hmuin, May-ah Rs. 93,46,38,881, June-ah Rs. 80,00,86,741, July-ah Rs. 64,35,80,409 leh August-ah Rs. 88,02,93,767 a hmu tawh a, tun thla nga chhunga chhiah hmuh tawh zawng zawng chu Rs. 4,16,32,82,023 a tling. 

Kum tin sawrkarin tax revenue lakkhawm zat tur a bituk thin a, kum 2021-22 chhung khan chhiah khawn tur a bituk zat chu Rs. vbc. 717.13 a ni a, an target chu Rs. vbc. 177.71 a khumin an chhiah khawn zawng zawng tling khawm Rs. vbc. 894.74 a ni.

Taxation department: 2022-23 (in Rs.)
Head                  Target                 Progress
GST                    5,98,00,00,000    3,58,11,13,232
Profession tax   17,00,00,000        5,16,35,449
Sales tax etc.      1,15,02,00,000    53,03,29,196
Enter. tax           1,51,000              88,876
Others               1,15,270
TOTAL                7,30,03,51,000    4,16,32,82,023