ZALEN July 20, 2025: Social Welfate & Tribal Affairs Director Dr. Lalhriatzuali Ralte chuan sawrkar pawm home te chu tanpuina Rs. 50,000 theuh pek tum an ni tih a sawi.

Social Welfare Director sawi danin tuna Mizorama home hrang hrangte chu tehna hrang hrang hmangin endik an ni dawn tih a sawi a. Hetianga enfiah hnua tehna hrang hrang paltlangte chu pawmpuina (accreditation) pek an ni ang a, a tling lote pawh provisional accreditation pein thla 6 chhung hun pek leh an ni dawn tih a sawi. 

Tehna hrang hrang paltlanga tlinga puante chu sawrkar chuan tanpuina (financial assistence) Rs. 50,000 theuh pek a tum tih sawiin hemi atan hian home 20 vel chu tling tura ngaih an ni tih a sawi a. Pawisa hi Ruihhlo do working committee in nuai 40 an pek atangin an dah hrang tawh tih a sawi bawk.