Aizawl: Nimin tlai dar 3 vela thli tleh vangin mi 1 a boral a, in chhia engemaw zat a awm bawk.
Zalen thudawn danin Sairang Dinthar piah, Chengkawl lui bula awm Lallawmkimi (kum 4) d/o Bishnu Hemran chu an in ban tlu in a delh a. Sairang damdawiin panpui nghal a niin damdawiin ah hian a boral, nizan khan vui nghal a ni.
Nimin tlai ruah leh thli vang hian Muthi ah chenna in 4 a chhe vek a, in 7 dang chu a chung a la a, hei bakah hian Library, committee hall leh school a tichhe bawk a. Muthi khawtlang chuan chenna in chhia te hi hmun remchangah an riah tir a ni. Thli tleh hian Durtlang Leitan ah chenna in 3 a tihchhiat bakah in 3 dang chu a chung a len chhe bawk.