ZALEN June 4, 2025; Inrinni (31.5.25)-a Tiau Lui, Zote kaia tla Dokhanlala (42), Nghalbual Khua Myanmar chu vawiin thlengin hmuh a la ni lo.

SYMA Champhai chuan thuchhuah siamin, Sub-Headquarters YMA, Champhai huam chhunga Ṭiau Lui dep a awm Branch ten tlawmngaih chhuaha tuitla chanchin hi lo ngaihven turin an ngen a. Ṭiau lui depa awm branch hrang hrang ten Mizo tlawmngaihna lantira tuitla chanchin ngaihvena hma an lak tawhnaah Sub-Headquarters YMA chuan lawmthu a sawi.

Tui a la tam rih avangin a nawlpuia zawn hi thil buaithlak a nih theih avangin tuitla hi mahni huam chhung ṭheuhah a theih ang anga lo ngaihven a, a ṭul anga hma lo la turin Ṭiau Lui dep Branch te SYMA chuan a ngen bawk.