Chinese application TikTok chuan khap a tawk zel a, UK leh New Zealand sorkar pawhin goverment official te hman a khap ve leh ta. India sorkar pawhin TikTok hi hman a lo khap tawh a, Chinese app dang eng emaw zat pawh a khap a nih kha. 

UK sorkar chuan security thilah TikTok hman hi a khap ve leh a, March thla chhung ngei hian sorkar official te chu an phone atanga he app paih vek tur hian a hriattir.  Hemi chungchangah hian Ningani khan thuchhuah a siam a, zawm nghal turin a tibawk. 

New Zealand sorkar pawhin cybersecurity thilah hman khapna thupek a tichhuak bawk a, sorkar device hrang hrangah hman a khap bur. Khapna thupek hi hman nghal tur a ni a, March thla chhungin in chinfel vek hman an tum a ni.

Joe Biden-a kaihhruai US sorkar pawhin TikTok hman khapna a lo tichhuak tawh a, European Union, Belgium leh Canada pawhin an khap hmiah bawk. US-ah phei chuan law maker pakhat chuan TikTok CEO chu insawifiah turin an phut hial a nih kha. 

Hetih lai hian TikTok lam chuan security thila sawiselna an sawiselna thin chingfel tur hian $tld 1.5 (Rs. 12,376 crore vel) zet an hmang tih an sawi a, inenthlakna atan hman a nih loh thu an tarlang bawk. Video-sharing app TikTok hi  lr hle a, mahse ram hrang hrangin an khap hnuah hmnangtu an tlahniam chak hle.