Timothée Hal Chalamet, December 27, 1995 a piang hi American actor a ni. Academy Award-ah nomination hmu tawhin Golden Globe Award-ah tum hnih nominate a ni tawh a, BAFTA Film Awrad nomination tum thu a hmu tawh bawk.

New York-a piang leh seilian a ni a, Chalamet hian drama series Homeland atangin 2012 khan bul a tan a, hemi hnu kum hnih naah Men, Women & Children tih ah changin film pangngaiah bul a tan a, hemi hnu hian Christopher Nolan-a film Interstellar -ah a inlan a. A rawn larchhuahna tak chu Luca Guadagnino film Call Me by Your Name-a rawlthar anga a channa kha a ni. 

Chalamet hi John Patrick Shanley's autobiographical play Prodigal Son-ah 2016 khan a chang a, he film avang hian Lucille Lortel Award a dawng a, Drama League Award-ah nomination a hmuh phah bawk. Media lama chuan sex symbol leh fashion icon anga tarlan thin a ni. 

Chalamet a nu hi Jewish thisen leh Russian leh Austrian thisen kal a ni a, a pa Marc Chalamet hi French a ni thung a,  United Nations Children's Emergency Fund (UNICEF) chanchinbu-ah editor hna a thawk thin a, Parisien tan New York correspondent a ni thin bawk.  Marc hi sakhuana lama chuan Protestant Christian a ni.

Timothee Chamalet hian English leh French duhtawkin a hmang thei a, United States leh French citizen a ni kawp. Columbia University leh New York University-ah pawh lo kal tawh a ni. 

2018 khan Forbes's 30 Under 30 Hollywood & Entertainment list.-ah a lang a, Vogue chuan 2019 khan ‘the most influencial man in fashion’-ah an puang a, 2020 khan GQ chuan 'the best-dressed man in the world' atan an puang bawk. September 2021 khan Cartier chuan Chalamet hi an brand ambassador atan an puang bawk a ni.

Chamalet hi New York-ah a cheng a, sports lam ngaina tak a ni a, a rawlthar chhuah hlim chuan soccer / footballer nih a tum thing. New York Knicks tantu a ni a, French Ligue 1 team AS Saint-Eteinne chu football lama a team tan ber an ni. Chalament hi hip-hop lam ngaina tak a ni a, Kid Cudi chu hemi lama amah kaihruaitu niin a chhal.