ZALEN Oct. 22, 2024; Aizawl dai, Rangvamual leh Phunchawng bakah hmun thenkhat danga siam/zawrh rakzu te chu hriselna atan a him lo zual hle tawh nia thudawn a ni.

ZALEN thudawnna pakhatin a sawi danin, a bikin Aizawl dai hnai, Rv leh Phunchawnga zu siam/zawrhte chu sumdawnna rilru tak tak pu a siam a nih tawh avangin, mihring hriselna atan a him lo zual hle tawh a, an hmanraw hman te chu tunhma ang a ni tawh lo a, buh hmuh tur a awm mang tawh lo a, reilote chhunga a tam thei ang ber siam an nih avangte, 'tlanchhe chunga siam' an nih avangte in a in thin te-ah hma tak takin nghawng a nei chho mek a ni.

Thudawnna chuan hospital report lamah pawh zu kaihhnawih natna a tam chho zel tih sawi bawkin, kum naupang te te, rei pawh zu la in lo nia lang, zu kaihhnawih vanga insawisel an tam niin a sawi bawk.