ZALEN June 28, 2025 : Tlangmawi khaw nula Lalawmpuii chuan kuminah Sawhthing quintal 300 chuang a hralh tawh a, Kg 1 cheng 50 a hralh an nih avangin cheng nuai 15 chu a tel tawh tihna a ni.

Lalawmpuii hian kumin-ah hian quintal 50 sawhthing a ling a, tin 5 hmun vel lo a nei tihna a ni. Sawhthing hi quintal khatah hian quintal 10 te thar theih a ni a, quintal 500 chu thar chiah lo mah se, quintal 400 vel chu thar theih dinhmunah a ding.

Nikum hmasa khan Sawhthing hi quintal 500 a lo thar tawh a, hemi kumah phei hi chuan a tir lamah rate tha vak loh chuan an hralh a, mahse, hemi kum hian Kg-ah 100 in a tam zawk chu an hralh a, nuai 25 chuang a tel a ni.

Tlangmawi Village Council member-ah pawh tum thum ngawt Lalawmpuii hi a thlan tlin a lo ni tawh a, VCP te pawh lo ni tawh a ni.