ZALEN Feb 21, 2025; Aizawl khawpui chawmtu Tlawng lui-ah nikum aiin tui a tlem a, tui dinhmun a tha lo hle.

PHE minister Prof. Lalnilawma'n vawiin Assembly budget session a member te zawhna leh zawh belhna te chhangin, nikum Feruary ni 19 a Tlawng lui a tui awm zat chu 110 mld a nih laiin, kumin February ni 19 a awm zat chu 89 mld a nih thu leh nikum aia a tlemna 20 mld a nih thu a sawi.

PHE minister chuan Tlawng lui a tui tlem zel chu mut mawh hmar mawh a neih a ngai tih sawiin, hetiang zel a nih chuan phase I, II leh SIPMIU a pump theih zat ni khatah 34.12mld nimahse, tui pump tur a tlem niin a sawi.

Member te zawhna chhangin tui bill tih san tumna a awm lo tih PHE minister chuan a sawi bawk a, hetihlai hian tui a haw tam chuan bill a sang lo thei lo niin a sawi bawk.