Aizawl May 30, 2023 : Mizoram Trade Union Co-Ordination Committee chuan Mizoram Sawrkar, Council of Ministers thukhawm in Proposal for The Mizoram Shop & Establishments (Regulation of Employment and Condition of Service) Bill 2023 an pass chu lawmawm an tih thu an sawi a, Mizoram Merchant Association (MIMA) ten he bill an do chu hriatthiam har an tih thu an thuchhuah siamah an tarlang.

Trade union hrang hrang - NTUM/FOMTU/CITUM/MMA te chuan May 18, 2023 – 496/2023-2024 a pass tak Proposal for The Mizoram Shop & Establishments (Regulation of Employment and Condition of Service) Bill 2023 chu pass a nih angin chak taka hma la turin Mizoram sawrkar an ngen. Trade Union thuchhuak chuah he bill hi thil tangkai a nih laia, MIMA in an dodal chu mak an an tih thu leh hriat thiam harsa an tih thu thuchhuah an siamah an tarlang. "Keini hnathawktu lam Trade Union Co-Ordination Committee chuan kan chanvo te inrahbeh saknaah kan ngai a, kan dem tak zet zet a ni," an ti.

Mizoram Trade Union Co-Ordination Committee chuan Pass a nih ang ngei hian hnathawktu hnuaihnung leh harsa zawk ten he bill hi an chhawr ngei theih na tur leh chak taka hma la tur in Mizoram Sawrkar an ngen a. He bill hi miharsa leh hnathawktu hnuai hnung zawkte tan tangkai tak a nih avangin mipui te pawhin zir chianga, thlawp turin an ngen.