April 24, 2023; Mizoram sawrkar a Health & Family Welfare department hnuaiah, Transgender (mipa hmeichhia a in let/hmeichhia mipa a in let) Persons (Protection of Rights) Act, 2019, Section 11 in a sawi angin, complaint officer ruat a ni tawh a, hetihlai hian complaint dawn erawh a la awm lo nia thudawn a ni.

April 17, 2023 khan Health Secretary Esther Lalruatkimi'n notification tichhuakin, H. Vanlalsanga, Deputy Secretary (E), Health & Family Welfare department chu thu leh awm hma atan secretariat hnuaia complaint officer atan ruat a ni.

ZALEN thudawn danin, complaint officer hnen-ah complaint lut a la awm lo a. Hetihlai hian transgender category Mizoramah an awm rin a nih laiin, tam erawh an nih a rinawm loh. Hetiang ruahmanna hi sawrkar laipui hmalakna niin, Mizoram tan thil thar a ni.

Kum 2021 khan Ministry of Social Justice and Empowerment ruahmanna siam angin, transgender ten awlsam taka certificate of identity leh identity card an dil theihna tur national portal transgender.dosje.gov.in siam a lo ni tawh bawk.