July 21, 2022; Mizoram atanga Tripura a tlanchhia, transit camp a cheng mek, Bru voters mi 1,232 te chu Mizoram electoral roll atangin paih an ni tawh a, midang pawh paih chhunzawm zel tum an ni.

Bru mi leh sa Mizoram chhunga vote nei tuna Tripura Transit Camp-a cheng mek an paih te hi Mizoram chhunga District 3-a vote nei te anni a, Mamit District ah tam berin Hachhek, Dampa leh Mamit Constituency a vote nei 1,048 te chu paih an ni a,  Kolasib District in dawtin Tuirial, Serlui leh Kolasib Constituency atangin voter 174 paih niin, Lunglei District ah Thorang, West Tuipui leh Lunglei South Contituency atangin Voter 10 paih an ni tawh bawk.

Mizoram Election Department chhinchhiah danin Bru mi leh sa Mizoram chhunga vote nei te hi an vaiin sing 11,232 an ni a, Mizoram District-3 Mamit, Kolasib leh Lunglei Disitrct a vote nei te an ni.

Kum 2020, January thla khan sawrkar laipui, Tripura sawrkar leh Bru pawl aiawhte chuan inremna an lo ziak tawh a, Bru refugee te chu an awmna tur ram ft 40X30 a zau pek tur a ni a, fixed deposit in Rs. 4,00,000 dahsak tur an nih bakah, kum hnih chhung thla tin Rs. 5,000 leh a thlawnin ration pek tur a ni. Hengte bak hamthatna dawn tur dang ruahmansak an ni bawk. 

Mizoram E/Roll atanga Bru te paih tawh dan (20.7.2022 thleng)

• District: MAMIT
  Hachhek    765
  Dampa       48
  Mamit        235
  TOTAL        1,048
• District: Kolasib
  Tuirial        78
  Kolasib      29
  Serlui        67
  TOTAL       174
• District: Lunglei
  Lunglei South 0    
  Thorang          5
  West Tuipui    5
  TOTAL            10