ZALEN March, 2025: Aizawl Treasury Square bazar chu tukin khan a kang a, kangmei hi zing dar 7:30 vel khan Fire department leh mi tlawmngai ten an thelh mit thei.

Kangmei chhuah tan hun hi hriat a ni chiah lo nain zing dar 3 vel atanga intan niin an sawi a. Helai bawr velah hian damdawi ti thin ho an riah nasat avangin an meilum ai atanga intan anih mi tam tak chuan an ring a. Sa zawrhna bul atanga intanin Treasury lamah kangmei hi a kal a, helaia inzuarte bungrua a kang chhe nual a.

Thanzami w/o R. Zatlaia building chuan tuar nasa berin he building chung bera PAMRA office, assam type chu an bungrua leh thil pawimawhte a kangral vek. I&PR Office darthlalang pawh a keh nasa hle. He thu buatsaih lai hian Venghlui leh Tuikual khawtlang hruaitute chuan bungraw kangral senghawi hnatlang neih an tum mek.