ZALEN March 20, 2025 : Treasury Bazar Association chuan AMC Multi Complex, Tuikual South-ah insawn luh an tum thu an sawi a, chutihrualin an insawn mai lo chhante an sawiin, zangnadawmna pek tura tiam an ni ve lo chu an hrethiam lo a, AMC lam pawh an intiamna te ti hlawhtling ngei turin an phut bawk.

Treasury Bazar Association te chuan an awmna an chhuahsan mai loh chhanah tuna an awmna leh an awmna tura an tura AMC ten an sak chu a location a inthat hleih piah lamah an awmna Local Council ten insawnchhuak lo tura an tih thin bawk avangin an tan hmun dang pan a harsa thin an ti.

Kangmei tuar theuh theuh PAMRA te House Leader Hon'ble Chief Minister Lalduhawma'n CM Relief Fund atanga Rs 1,00,000/- (nuaikhat) an pek thu leh DM&R Minister K. Sapdanga'n Rs 5,00,000/- an pek tur thu Assembly House-a sawichhuah a nih laia kangmei tuar an association member te zangnadawmna pek tur sawi a ni ve lo chu hriatthiam har an tih thu an sawi bawk.

Treasury Bazar Association chuan AMC Multi Complex-a an insuanluh dawn tak a vangin a hnuaia mi ang hian AMC chu an intiamna tihlawhtling turin an ti bawk.

1. AMC lamin min ngen angin Treasury Bazar Association chuan AMC Multipurpose Complex, Tuikual South an in sawn luh nise kan ti a. Thuawih takin buaina leh harsatna siam lova chet hi Association chuan a tum tlat a ni.

2. Kan luh thlak rualin anmahni lamin min tiam ang ngeiin dan lova in zuar te leh Traffic tibuai theia in zuarte pawh an in tiam ang ngeiin hma an lak ngei kan beisei tlat a ni.

3. AMC te hi kan nu leh pa te an nih avangin kan thutna tura harsatna pawh anmahni intiamna ang ngeia min tih sak ngei kan beisei tlat a ni.