ZALEN July 17, 2025; Vanlalhnuna (51) Bawngkawn thihna chungchangah police-ah FIR thehluh a ni a, pawi khawihtu nia puh man nghal a ni.

ZALEN thudawn danin, Vanlalhnuna h/o Lalremmawii (L) chu nizan dar 6:30 bawr vel khan an chenna in, Bawngkawnah hliam tuara hmuh a ni a, a hnu dar 7-ah a boral zui a ni.

He thihna chungchangah hian kut inthlakna a thleng nia hriat a nih avangin Bawngkawn police stationah FIR thehluh a ni a, police te pawhin thu zawhfiah an neih hnuah Felix Lalthansanga (25), Vaivakawn leh Cindy Zoramchhani (21) te an man a, Felixa hian boral ta hi kut a thlak ngei tih police te a hrilh a, Cindy-i chuan engmah a hriat loh thu police te a hrilh thung.

Vanlalhnuna hi nizan khan tlaivarpui a ni a, vawiin chhun dar 12-ah Bawngkawn Presbyterian Kohhran Hall-ah vui a ni ang. Vui a nih hma hian postmortem a ni dawn niin thudawnna chuan a sawi.

#ZalenNews