Aizawl: MPC Thalai chuan tui leh gas ah mipui ten harsatna an tawk nia sawiin harsatna tawh mek sukiang thuai turin Mizoram sawrkar an phut tih an sawi.

Nimina thuchhuah an siamah MPC Thalai chuan MNF Party in kum khat awrh chauh sawrkarna a chelh chhung hian mipui zangkhaina lam aiin Minister, MLA chhungkua leh lainate hamthatna leh hlawkna tur ringawt buaipui berah an nei niin an sawi a. Gas harsatna chhan chhuanlama Supply Minister in a hman Durga Puja pawhin thla hnih min liamsan leh tawh tih sawiin vai puja lai ang thoina gas a harsatnain min la tlakbuak niin an sawi bawk a.

Kan hma lawka Kristiante hunpui Krismas leh Kumthar kohhranho ten kan hmanna turah hian a bikin gas, tui, electric power leh buhfai-ah te Zoram mipuiin harsatna lian zawk kan tawhloh nan, chak taka hmala turin Mizoram sawrkar an phut tih an sawi bawk.