ZALEN June 26, 2024 : Tiau luia tla Malsawmsanga (22) Champhai Dinthar veng chu ngawrh tak a zawn nimahse, he thu ziahlai thleng hi chuan hmuh a la ni lo.

Tarlan tawh angin, Malsawmtluanga, Champhai Dinthar veng hi Zokhawtharah in sa-a inhlawhin hna an thawk a, niminpiah (25.6.24) chawhnu lam khan Tiau luiah inchiah dai turin a thiante nen an kal a, tlai dar 3:30 vel khan Zokhawthar Lei chhak Balu kaiah chesualin tuiah hian a tla zui ta a ni.

Nimin lamah Zokhawthar, Dinthar, Khawmawi (Myanmar), Bulfekzawl, Melbuk leh Hruaikawn khawtlangin an zawn chhunzawm a, chanchin buatsaih lai thlengin hmuh a la ni lo a. Nizan khan Bulfekzawl branch YMA-te Lungreng kaiah an an tlaivar a, vawiinah Zokhawthar tuithiamin Zokhawthar atangin an zawng thla leh ang a, Bulfekzawl leh Branch dang zawngin a thlang lam an zawng leh dawn a ni.

Nimin khan District Disaster Management Authority hotute chuan tui tla zawnna hmun hi an pan a, Pawisa fai Cheng Sang 2, Silpauline 4 leh eitur chi hrang hrang an pe a, Champhai South bialtu MLA Lt. Col. Clement Lalhmingthanga chuan tui tla zawngte thingpui inna turin Rs. 5,000 a hlan a, SYMA Champhai Disaster Committee leh Vanhnuailiana Group YMA hruaitute’n tui tla zawngtute hi an tawiawm bawk.