Aizawl February 3, 2024 : Excise & Narcotics Department chuan February 2, 2024 (Zirtawpni) tlai dar 4:15 khan Tuidam khua, YMA Run bulah Heroin gram 763 (Hawng 66) leh a neitu nia puh mi pahnih – Abdul Mazid (24) s/o Abdul Odud, Kalinagar, P.S Katigorah, Silchar, Cachar District, Assam leh Majibur Rahman (24) s/o Rajab Ali, Pratappur Forest Village, Cachar, Assam-a khawsa nia inchhalte an man.

Anni pahnih hnen atang hian heroin phurhna atana lirthei an hman, Mahindra Bolero (ZLX Model) (Registration No. MZ07/0678) pawh man nghal a ni. Heng heroin man te hi state pawna tihral tum mek lai a ni.

Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Court-ah hruai nghal an ni.