ZALEN February 24, 2025 : Tukin khan Hosana Lalrinpuia (Hos-a), kum 42 chu a chhenna In Tuikhuahtlang, Republic Road kawng chhak lama Kapthanga, Section I In luah chu thi a chhar a ni a, mi kut tura thi a ngaih a ni.

Hosana Lalrinpuia hi amaha cheng niin PHE Department, Tuikhuahtlang-a hnathawk a ni a, Inrinni khan office pawh a kal a, a thih hun hi hriat chiah a ni lo a, a ruang hi a rimchhiat deuh tawh avangin Inrinni zan lama thi tawh a ngaih a ni. A ruang hi a u (cousin), Ch Lalmuanpuia, Venghlui chuan a la dawn a, zanina tlaivarpui a ni ang a, naktukah vui a ni ang.

Lalrinpuia hi a thenawm chiah-a In luah te nen step intawm niin building hran an ni thung a, a thenawm hi dawr niin, thawmhnaw hawh theihna a ni a, tukin zinga an thenawm te dawr hawng tur chuan an kawngkhar lo inhawng tih an hre nghal a, a thenawm awm Lalrinpuia In pawh chu an lo in hawn ve bawk avangin an va lut a, a ruang hi an hmu ta mai a ni. Dawr pawh hi rawk niin sawi a ni bawk.