September 14, 2023; Tunkar Thawhlehni zan dar 9 rik hma deuh a Lalhmingmawia (56) H/o Rozingi, Dinthar, Aizawl, Tuikual lui lianin a lak chu tukin dar 8:30 theng khan hmuh a la ni lo.

Tarlan tawh angin, Thawhlehni zan khan Tuikual lui lianin an kawmthlang a an vawk vulhte'n harsatna an tawh a buaipuina lamah vanduaina tawkin lui lianin a la a ni.

Lalhmingmawia hi Thawhlehni zan atang khan zawn nghal niin, he thu ziahlai thleng hian zawn mek zel a la ni a, Dinthar khawtlang mipui bakah, veng thenawm hrang hrangte, Sihhmui, Sairang leh Sairang Dinthar te leh CYMA quick respond team ten an zawng a, mi inphal hrang hrangte hnen atangin thilpek thahnemtak a lut tawh bawk.