September 13, 2023; Tunkar Thawhlehni zan dar 9 rik hma deuh a F. Lalhmingmawia (54) H/o H. Lalremfeli, Dinthar, Aizawl, Tuikual lui lianin a lak chu Tuikual lui leh Tlawngah te ngawrh tak a zawn chhunzawm zel a ni.

Lui lianin a lak F. Lalhmingmawia zawng tur hian Central YMA chuan khawpui chhung branch hrang hrangte ah ruahmanna a siam a, chumi ang chuan hmalak mek niin, Tuikual lui leh Tlawnglui lamah ngawrh taka zawn chhunzawm zel a ni.

Tarlan tawh thin angin, F. Lalhmingmawia hi Thawhlehni zan khan Tuikual lui lianin an kawmthlang a an vawk vulhte'n harsatna an tawh a buaipuina lamah vanduaina tawkin lui lianin a la a ni.

Nimin khan a Vawk ni ngei a ngaih chu thi in hmuh a lo ni tawh a, tun thlengin bo zawn hnathawktute puihna tur tanpuina thehnemtak a lut tawh bawk.