September 12, 2023; Zanin dar 9 bawr vel khan Tuikual lui lianin, F. Lalhmingmawia (54), Dinthar vengthlang chu a la a, zawn mek a ni.

ZALEN thudawn danin, zanin ruahsur vang khan Dinthar vengthlang, tunhnai a Tuikual luilianin a lo tihbuai tawhna chu tuiin a chim leh a.

He luilian hian Dinthar vengthlang pa, F. Lalhmingmawia, an kawmthlang a a vawk talh tur a dah ngaihven a kal chu lain, he chanchin ziahlai thleng hian hmuh a la ni lo.

Luilian in a lak F. Lalhmingmawia hi zanin an kohhranin beihrual inkhawm an neihah pawh thupui hawngtu ah a tang nia thudawn niin, inkhawm ban hnuah vanduaina hi a tawk ta nia thudawn a ni.

He chanchin ziahlai zanin dar 10:30 thleng khan a chin hriat a la ni lo a, mi tlawmngai tam tak kalkhawm nghalin, a theih ang angin zan thim hnuaiah F. Lalhmingmawia chin hi an ngaihven mek a ni.