Tuikuk polling station hran siam chungchangah ECI thu nghak

Admin - Oct 10, 2021

Tuikuk vote nei 663 an awm

Aizawl: October 30, 2021-a Tuirial bial MLA bye election loawm turah Tripura-a tlanchhia Tuikukte tan special polling station siam anih dawn leh dawn loh a la hriat loh a, Election department chuan ECI thu an nghak mek.

ZALEN-in Mizoram Election Directorate hotute hnen atanga thu a dawn danin Tuikukte tana polling station hrang siam chungchangah hian Election Commission of India atangin engmah thuthar dawn an la nei lo tih sawiin ECI thu leh hla an nghak mek niin an sawi a. Tuirial bialah hian Tuikuk vote nei mi 663 an awm nia sawiin heng mite hi Hortoki Polling Station-ah Voters 176 leh Zodin (Rastali) ah Voters 487 te an ni.

Mizorama political party pathum MNF, Congress leh ZPM te chuan tun hnai khan ECI-ah ngenna thlenin Tripura-a inbengbel tawh, Tuirial biala electoral roll-a hming la chuang Tuikuk (Bru) te vote thlak phalsak lo turin an ngen a. Tlawmngai pawlte pawhin a hranpaa polling station siam an duh lo nia hriat a ni.

Share now