ZALEN March 6, 2025: March 1, 2025 -a khan Bungzung khua, Tuipui luiah Dynamo hmanga sangha man mi panga (5) te chu vawiin khan Fisheries Act bawhchhe nawn tawh lo turin District Fisheries Development Officer Lalremsangpuii hnenah an intiam.

Mi panga (5) an man te chu - Lalropeka, Champhai Venglai; Malsawmkima, Champhai Vengthlang North; Lalremruatkima, Champhai Tlangsam; Thanglianmawia, Sazep leh Johan Lalsangliana, Champhai Tlangsam khua an ni.

Heng an mi mante hi The Mizoram Fisheries Act (Amendment) 2022 Sec-(6) Prohibition of Unauthorized Catching of Riverine fish, Compounding of Offences Section-10(1&2) huaiah cheng sang li (₹ 4000) theuh chawi tir an ni. Dan bawhchhia te hi tun hnuah Fisheries Act bawhchhe nawn tawh lo turin District Fisheries Development Officer Lalremsangpuii hnenah 6.03.2025 hian an intiam a ni. Luidunga nungchate duat taka enkawl tur leh an chetvelna tichereu lo tura hrilhhriat an ni bawk.