February 8,2023; Kum 2001 bawr vela Tuirial Hydel Project siamna tura NEEPCO hmalakna a ram lakna leh zangnadawmna pek thubuaia thiamloh chantir mi 6 te chu, Special Court (PC Act) chuan vawiin ah hremna puangin, kum khat theuh tang tur leh Rs 20,00,000 (nuai 20) theuh chawi turin a hrem. Pawisa an chawi loh chuan kum 10 dang tan belh tura tih a ni bawk.

TUIRIAL HYDEL PROJECT DINNA TURA RAM LAK THU AH, VILLAGE
COUNCIL RAM PASS LEM LO SIAMTIR TUTE LEH VILLAGE COUNCIL
RAM PASS LEM HMANGA ZANGNADAWMNA LO DAWNGTUTE HREMNA
 By:

Special Judge
Prevention of Corruption Act 
Mizoram

Aizawl. Dt. 8/2/2023 Special Judge, Prevention of Corruption Act, Mizoram- Aizawl chuanTuirial Hydel Project dinna tur bialchhunga ram lak thu a zangnadawmna felhlel tak thubuaia tahrik ni 7/2/2023-a thiam loh a chantir angin, he thubuai a thiam loh chan tir te -

(i) Pu C. Vanlalchhuana S/o Darphunga (L) Electric Veng, Aizawl

(ii) Pu Saiaithanga S/o Chhantuahlala, Tuithiang, Aizawl

(iii) Pi C. Rokhumi D/o Chawnghuliana (L), Durtlang, Aizawl

(iv) Pu Lalduhawma S/o Lalhungliana, Durtlang Leitan

(v) Pu K. Lalrawna S/o Thangluaia (L), Champhai Bethel

(vi) Pi P.C. Lalthazovi D/o Rodailova, Durtlang Leitan te chu an Ukil te theuh leh, CBI Ukil te, tin an mahni theuh te uluk taka a ngaihthlak hnu ah, section 420/467/468/471 r/w 120B IPC anga hremna thupek tichhuak in, a hnuai a mi ang hian hremna thupek a siam:-

1. Section 420 r/w 120B IPC angin kum khat theuh lungin tang tur leh cheng
 nuai 10 theuh chawi turin. Pawisa chawitur hi an nei lo a nih chuan kum nga (5) dang lungin tan belh turin.

2. Section 467/468/471 r/w 120B of IPC angin kum khat theuh lungin tang 
tur leh cheng nuai 10 theuh chawi turin. Pawisa chawitur hi an nei lo a nih 
chuan kum nga (5) dang lungin tan belh turin. Chutihlaiin, tunhma lamin court ah thiamloh chantirna thubuai an la neih loh avang leh kum lama upa, dan bawhchhe nawn tawh loh tura ngaih an nih avangin lungina an tan hunchhung tur hi a kalkawp ang a. Tichuan, kum khat (1) theuh lungin tang tur leh cheng nuai 20 theuh chawi turin. Pawisa chawitur hi an nei lo a nih chuan kum sawm (10) dang lungin tan belh turin hremna hi pek an ni.

Court in hremna chung thu-a a hmuh dan a tarlan, he tuikhuah (Tuirial 
Hydel Project) bialchhunga zangnadawmna felhlel tak thubuai a lak thutak hle na chhan a tarlan te chu:-

1. Ram lak thu-a zangnadawmna felhlel hmanga pawisa dawn hi Mizoram 
chhunga thil man sang uchuak tak thlen tir tu chhan pakhat a ni a,
 Mizoram eibar sumpai mai bakah mimal chhungkaw khawsak nunphung
 pawh a nghawng tel a ni.

2. Thawhrimna rah mausam-a pawisa awlsam/pawisa thlawk hmanga mihring nun hman hi natna chi khat, khawtlangnun mai bakah mimal  rinna thlenga nghawng chhe tak nei thei a ni.

3. Politics hri chhia hmanga sawrkarna fawng vuantu Political party ten
thuneihna an hmansual hi India ram mipui rorelna that tawklohna pakhat 
a ni a, hun kal tawh atanga zirchhuah a nih angin chumi in hlemhletna a
 hrin chhuah erawh chu court thuneihna hmanga chinfel loh chuan
kawng dang a awm mawh hle.

4. Mizoram ah hian sawrkar in ram a lak dawn in vanduaithlak takin ram in
lei leh hralh a hluar hle, chu chuan mipui sum awmze neilo in, mi hausa 
duham tak tute emaw pawisa ip ah a luh tir thin a, ram hmasawnna
 hmelma a ni ngei a, chu chu thuneitu ten kan do ngam a tul ang. Chutiang
a nih loh chuan hmalam hun thim tak kan hmachhawn mek tihna a ni ang.