ZALEN July 16, 2024; Tuirial Hydro Electric Project (HEP) tuikhuah-ah Aizawl hnawm hnawk a luanglut mek a, a kum telin a tam telh telh.

Tuirial HEP hnaih khaw thenkhat atanga ZALEN thudawn danin, Tuirial tuikhuah a bawlhlawh/hnawm hnawk, tuiin a lenluh tam ber te chu plastic (single use plastic) an ni a, a lan danah chungte chu Aizawl hnawm hnawk a ni.

Aizawl khawpui hnawm hnawk paih fimkhur loh chu Mizoramin hydel project a neih len ber, Tuirial HEP in nasa takin a tuar mek tihna a ni. Paih fai a, then fai mai chi a ni lo. Hetiang reng a nih chuan Tuirial HEP pawhin a la tawrh theih hial a rinawm.

Tuikhuah hnai vai khaw thenkhat a kuthnathawk a eizawngte pawhin he thil hi an tuar mek niin a lang. Hnawm hnawk a tam avangin lenkhang pawh zar theih a ni lo.

Tuirial HEP a Aizawl hnawm hnawk luanglut hi a kum telin a tam tial tial niin thudawnna te chuan an sawi.