May 9, 2024; Lalmalsawma (33) S/o Vanlalchhuanga, Ratu Hall Veng chu Mizoram leh Manipur in kalpawhna kai, Tuivai luiah a tla hlum a, he thu buatsaih lai thleng hian a ruang hmuh ala ni lo.

Lalmalsawma hi Manipur leh Mizoram in kalpawhna tur Tuivai lei siamnaa inhlawh niin he tah hian Ratu khaw mi pawh 10 vel an inhlawh a. Thawhlehni tlai khan Tuivai atanga hla lo te, Manipur, Sihpuikawn khaw mite rualin Lawng a inkar kaiin a leng a, a haw lam ah Tuivai lui chu a lo lian leh deuh a. Sihpuikawn lama a thian ten riak mai tura an tih pawhin a thiante bula zan riah a duh zawk avangin hleuh kai mai a duh thu a sawi a. Tuivai lui a hleuh hi zan dar 7:15 velah a ni a, a tla ta niin thudawnna chuan a sawi.

Tuitla an awm a ni tih hriat a nih veleh Ratu Jt.YMA leh VC tang rualin ruang zawn hna an thawk nghal a. Tuivai lei siama hnathawkte bakah Sihpuikawn khawtlangin ruang zawn hna hi an thawk a ni.