Aizawl June 12, 2024 : Special Narcotics Police Station, CID Crime leh 2nd Assam Rifles tang dun chuan vawiin chhun khan heroin ni ngeia hriat 2.340 kgs (Sahbawn bawm 200/ hawng 200), Rs. 70,20,000/- man chu Saitual Quarry bulah Ginsiankhawmmung kum 31 s/o Lianchin (L) Bulfek, Myanmar nia inchhal hnen atangin an man.

Heroin hi two-wheeler hmanga Aizawl lam pana a phurh lai a ni a. Ginsiankhawmmung hi tlanbo tum mah se, man niin a phurhna lirthei pawh man tel nghal a ni a, Mi man hian India rama luh phalna (valid documents) a nei lo leh nghal a ni. Ruihhlo kengtu bakah hian a thurualpui nia hriat Lalthansanga kum 39 s/o Lalrinliana Sailo, Bethlehem Vengthlang, Aizawl pawh man tel nghal a ni.