ZALEN August 4, 2025 : Thenzawl Peace City Project chungchangah UD&PA chuan DPR siamna tur Ministry of Housing and Urban Affairs (MoHUA), in ₹10.00 Crore an dawng tawh tih thuchhuah siamin an tarlang, state capital sawnna tur a ni lo, an ti.

Vawiin August 4, 2025-a Urban Development and Poverty Alleviation Department, Government of Mizoram thuchhuah chuan - "Thenzawl Peace City project chu state capital sawnna tur project niawmin tunhnaiah sawi a awm a. Hei hi sorkar laipui atanga lehkha lokalah ziah sual palh a awm vang a ni. Thenzawl Peace City project Detailed Project Report (DPR) siamna tur atan hian sawrkar laipui, Ministry of Housing and Urban Affairs (MoHUA)-in ₹10.00 Cr. a rawn sanction tawh a, state capital sawnna atan ni lovin Peace City at Thenzawl atan DPR pawh ruahman mek a ni," a ti.