DOWNLOAD OUR APP

Read latest news on your phone
app-store

UEFA Champions League Golden Boot dawng tawhte

Apr 13, 2022

UEFA Champions League (UCL) golden boot hi he competition-a season khat chhunga player goal khung hnem ber hnenah hlan thin a ni. UCL khelh a nih atangin he award hlu tak hi player 12 chiahin an la dawng a, golden boot hi Cristiano Ronaldo chuan dawng hnem berin vawi 7 a dawng tawh.

UEFA Champions League (UCL) golden boot hi he competition-a season khat chhunga player goal khung hnem ber hnenah hlan thin a ni. UCL khelh a nih atangin he award hlu tak hi player 12 chiahin an la dawng a, golden boot hi Cristiano Ronaldo chuan dawng hnem berin vawi 7 a dawng tawh. 

He category-a chungnung ber Cristiano Ronaldo dawtah hian a elpui ber Lionel Messi a awm a, a ni hian golden boot tum 6 a dawng tawh thung. He chawimawina hlu tak hi anni pahnih bak player dang zingah vawi 3 aia tam dawng thei an la awm lo. 2007-08 season atanga 2018-19 season thleng hian Ronaldo leh Messi tih loh he award dawng thei an awm lo. 2014-15 season khan Messi leh Ronaldo te rualin Neymar-a'n a dawng ve. 

Portuguese Ronaldo hian season khat chhunga Champions League goal thun tam ber record a chelh mek bawk a, 2013-14 season khan Real Madrid tan goal 17 lai thunin Spanish club Real Madrid chu UEFA Champions League title a lakpui bawk. Robert Lewandowski chuan 2019-20 season khan he record hi phak tepin goal 15 thunin golden boot a hlawh chhuak.

Romario (PSV Eindhoven, 1992)
Romario chuan game 9 khelin goal 7 a khung a, golden boot hlan a ni.

Ronald Koeman (Barcelona) leh Wynton Rufer (Werder Bremen) (1993-94)
Ronald Koeman leh Wynton Rufer te chuan 1992-93 season UCL-ah khan goal 8 ve ve thunin golden boot an dawng.

George Weah (PSG, 1994-95)
George Weah chuan match 10-ah goal 7 a thun. 

Jari Litmanen (Ajax, 1995-96)
Finnish striker Jari Litmanen hian match 10-ah goal 9 thunin he lawmmna hi a dawng.

Milinko Pantic (Atletico Madrid, 1996-97)
Pantic chuan Atletico Madrid tan match 8-ah goal 5 a khung a, he award hi hlan a ni.

Alessandro Del Piero (Juventus, 1997-98)
Alessandro Del Piero chuan 1997-98 season khan Juventus tan match 10 khelah goal 10 a khung. 

Andriy Shevchenko (Dynamo Kyiv)leh Dwight Yorke (Manchester United, 1998-99)
Shevchenko leh Yorke te chuan an club khelhna Dynamo Kyiv leh Manchester United tan goal 8 ve ve an thun. 

Mario Jardel (Porto), Rivaldo (Barcelona), Raul (Real Madrid, 1999-2000)
UEFA Champions League history-a a vawi khat nan player pathumin Golden Boot award an indawn tawm. Anni pathum hian hemi kum hian an club tan goal 10 theuh an thun a ni. 

Raul (Real Madrid, 2000-01)
Spanish forward hian match 12 khelhah goal 7 khungin golden boot a dawng.

Ruud van Nistelrooy (Manchester United, 2001-02)
Dutch forward hian Manchester United tana match 14 a khelhah goal 10 thunin he award hi a dawng.

Ruud van Nistelrooy (Manchester United, 2002-03)
Nistelrooy bawkin chawimawina dawngin season hmasa aiin goal a thun tam zawk bawk a, match 9 lek khelin goal 12 lai a thun. 

Fernando Morientes (Monaco, 2003-04)
Morientes chuan Monaco tan match 12 khelhah goal 9 a khung.  

Ruud van Nistelrooy (Manchester United, 2004-05)
Nistelrooy chuan a UCL golden boot vawi thumna dawngin match sarihah goal riat a khung. 

Andriy Shevchenko (AC Milan, 2005-06)
Ukrainian striker hian AC Milan tan match 12-ah goal kua a khung. 

Kaka (AC Milan, 2006-07)
Brazilian midfielder chuan match 13 khelhah goal 10 khungin a vawi khat nan golden boot award hlan a ni.

Cristiano Ronaldo (Manchester United, 2007-08)
Ronaldo chuan a golden boot award dawn pasarih zinga a hmasa ber turin a dawng a, United tan match 11 khelhah goal 8 a khung. 

Lionel Messi (Barcelona, 2008-09)
Messi-a pawhin a golden boot award hmasa ber dawngin Barcelona tan match 12 khelhah goal kua a khung. He award a dawn hnu season thum chhung chu Messi hian he chawimawina hi a dawng zawn nghe nghe. 

Lionel Messi (Barcelona, 2009-10)
Argentine hian hemi season hian match 11-ah goal riat a thun. 

Lionel Messi (Barcelona, 2010-11)
Messi hian match 13-ah goal 12 khungin a zawna a vawi thum nan golden boot award a dawng. 

Lionel Messi (Barcelona, 2011-12)
Messi chuan hemi season hian match 10-ah goal 14 khungin award a la leh. 

Cristiano Ronaldo (Real Madrid. 2012-13)
Ronaldo chuan golden boot award a rawn la thar ve leh a, Real Madrid tan match 12-ah goal 12 a khung. 

Cristiano Ronaldo (Real Madrid. 2013-14)
Ronaldo chuan hemi season hian game 11 khelhah goal 17 a khung. 

Neymar (Barcelona), Lionel Messi (Barcelona), leh Cristiano Ronaldo (Real Madrid, 2014-15)
Heng forward ropui pathum te hian goal 10 theuh khungin 2014-'15 season golden boot award an dawng. 

Cristiano Ronaldo (Real Madrid, 2015-16)
Ronaldo chuan a vawi li nan UCL golden boot award dawngin match 12-ah goal 16 a khung. 

Cristiano Ronaldo (Real Madrid, 2016-17)
Ronaldo-a golden boot dawn tum 5-ah hian khelh 13-ah goal 12 a thun a ni.

Cristiano Ronaldo (Real Madrid, 2017-18)
Real Madrid striker hlui Ronaldo chuan UCL golden boot a tum 6 nan 2017-18 season-ah a dawng leh a, hemi tum hian match 13 khelhah goal 15 zet a khung. 

Lionel Messi (Barcelona, 2018-19)
Hemi kum hian Messi-a'n golden boot award dawngin Barcelona tan match 10 khelhah goal 12 a thun. 

Robert Lewandowski (Bayern Munich, 2019-20)
Messi-Ronaldo te pahnih rorelna chu rawn ti tawpin Robert Lewandowski chuan match 10 khelin goal 15 a khung a, golden boot hlan a ni. 

Erling Haaland (Borussia Dortmund, 2020-21)
Norwegian striker hian Borussia Dortmund tan a khel hian game 8 khelhah goal 10 thunin golden boot a hlawh chhuak.

Share now