ZALEN July 17, 2026: United Kingdom-a India hmar chhak (Northeast India) mi awmte chu July 11, 2026 khan London-a Indian Gymkhana Club-ah 'United Colours of North East India' tih hming vuahin an intawkkhawm.

He intawh khawmna hi 'North East Indians in UK' ten an buatsaih a ni a, Tripura Rêng lal, Pradyot Bikram Manikya Debbarma-an a thlawp bawk. He intawh khawm buatsaih chhan ber pakhat chu Northeast India state pariat te culture leh hnam ziarang te khawvel hriattir leh khawvel hmun hrang hranga cheng Northeast mite inzawmna tih chak a ni.

Ei leh in, hla, rimawi, puan leh thil dang dangte inhmelhriattir tawnna neih a ni a, hei hian hnam leh hnam inhriat thiam tawnna a siam ngei an beisei a ni.

Meghalaya aiawh Susan Nonsieg chuan, "Kan hnam zia leh thawnthu ropui takte hi khawvelin an hriat theih nan kan pholang a ni," tiin a sawi.

Manipur aiawha kal Thoiba Thoudam chuan, "Northeast mi, khawvel hmun hrang hranga awm te inzawmkhawm a, kan hnam rohlu tak takte chawisan hi he hun buatsaihtute duh ber chu a ni," tiin a sawi bawk.

He inkhawm buatsaihtute chuan, khawvelah Northeast India chungchang hriat sualna awm thinte hi hetiang inkhawm hian a tihreh an beisei thu an sawi.

He inkhawm hian UK-a Northeast mi chengte inzawmna pawh a ti chak a. Meghalaya aiawh chuan, "Hnam zia kan chawisan bakah, he hun hian UK-a cheng Northeast mi taima tak tak te, sumdawng te, artist te leh zirlaite inzawmna leh inthlawp tawnna tha tak a siam a ni," a ti.

He inkhawm hi a tum khatna niin, chhimtu mi 500 chuang lai an awm a ni.