Kum 47 mi Liz Truss chu vawiin hian UK Prime Minister thar atan lakluh a ni dawn a, PM kalchhuak Boris Johnson a thlak dawn a ni. Truss hian nimin khan Conservative Party leader ni turin hian fiahna a paltlang a, a khingpui Rishi Sunak chu a hneh a ni. 

Liz Truss hian member vote 57% a hmu a, UK Prime Minister turin lakluh a ni dawn ta a ni. Vawiin hian Boris Johnson nen Queen Elizabeth II hmaah an inlan ang a, Lalnu hian PM nihna hi a lo hlan dawn a ni. PM atana lakluh a nih hnu vawiin vek hian Downing Street-ah thuchah a sawi ang.  
 
Liz Truss hian a Cabinet Minister turte pawh a ruat nghal dawn a, Cabinet post chelh tur zingah vun ngo an tel dawn lo nia sawi a ni. Truss hi hmeichhe zinga UK Prime Minister ni thei pathumna a ni a, a hma hian - Margaret Thatcher leh Theresa May te chuan he hna ropui tak hi an lo chelh tawh bawk. Truss hi an ram Foreign Minister lo ni tawh thin a ni.