July 20, 2023; Lunglei Bazar veng a khawsa, Pi Lalhmachhuani leh Pu C. Vanlalmuana (L) te fanu pathum te chuan MZU hnuai a UG (Under Graduate) result chhuakah khan result duhawm tak neiin, an subject lak theuhah Gold Medalist leh 2nd rank an hauh.

ZALEN thudawn danin, Govt. J. Buana college a kal C. Lalnunhlimi chu a subject B Com. ah Gold Medalist a ni a, tunah hian sawm a nih angin, J. Buana college ah 1st sem zirlaite class a lakpui chhunzawm a, RBI a luh chu a tum ber a ni.

A naute pahnih, phir unau Donna C Lalnunpuii (Economics) leh C. Lalnuntluangi (BSc. Botany) te pawh an subject lak ve ve ah 2nd rank an ni bawk a, an pahnih hian Lunglei Govt. College a kal an ni.

Hetiang a tum khat a unau thum a UG result tha tak nei, result tha pangngai mai ni lo, Gold Medalist leh 2nd rank ni rual thawt thei hi Mizoramah an awm tawh a nih pawhin, an awm zen zenin a rinawm loh.

An unau hi 5 an ni a, an hmalam hunah tum mumal tak neiin, chu an tum ram thleng chhuak thei ngei tur chuan ke an pen a, an hlawhtlin ngei duhsakna ZALEN chuan a hlan.