Aizawl December 6, 2022; Union Minister of State, Food Processing Industries leh Jal Shakti enkawltu Prahlad Singh Patel-a'n Zoram Mega Food Park chungchanga a rilru nat thu a auchhuahpui a ngai chu PC Party chuan pawi an tih thu leh ram tan a mualpho thlak an ti thu thuchhuah an siamah an tarlang. 

PC party chuan thuchhuah an siamh, Zoram Mega Food Park hi buaipui a tihhlawhtlin ngei tuma mi thahnemngai te hmalakna, tihphuisuina leh Mizo mipui tena kan hriat zau zawkna tura Mizoram sawrkarin ke a pen tawk loh avanga hluihlawn thaw thànga a awm mèk hi PC Party chuan hriatthiam harsa an tih thu an tarlang. 

Zoram Mega Food Park hi October 2022 khan PC Party President chuan a tlawh tih an sawi a, hemi chungchangah hian Ruata chuan, 'Zoram Mega Food Park hi sawrkar laipui suma cheng vaibelchhe 75 a din niin kum 2018 bawr vel atang khan hman theih a peih fel a ni a. Tunah hian spice drying unit leh MSME te hman mek niin Fruit Processing Unit te, Dry Wire house leh Cold Storage te erawh hman tangkai a la ni rih lo,” a ti a.

Ruata chuan, ''He hmunah hian Sawhthing etc. metric ton 40 darkar khat chhungin a her theih a. Balhla, theihai, lakhuihthei, lamkhuang etc, nikhatah metric ton 40 a um hmin theih a, darkar khatah thei tui metric ton 40 siam theih niin, Nimbu, Lakhuihthei, Baibing, Rawtuai, te bur a dah chhin a ni tawh. Plastic bur 18,000 zet ni khatah an siam thei bawk a ni," a ti.

PC party president chuan, ''Industry leh chumi hman ṭangkai chu ram hmasawnna innghahna tur bul a ni a. Zoram Mega Food park siamna tur hi Central aṭangin kan dawng leh dawn tawh lova. Kan neih sa vawiin thlenga hman tangkai loh a kan la kawl mai mai a, hman tangkai a, a te zawk te pawh siam belh zel hi kan ram hmasawnna tur bul a nih avangin PC Party chuan kan ram hmasawn nan kan PC Party Economic Policy 'Khawlhnuh hmasawnna' hmangin hma lak kan tum a ni," a ti bawk.