Aizawl June 13, 2023: Higher & Technical Education Minister Dr. R Lalthangliana chuan vawiin khan MINECO-a a pisaah tun hnaia UPSC exam buatsaih hrang hranga titha zingami, tling leh tling zo lo te hun hmanpuiin Incentive Cash Award pawisafai cheng nuaikhat theuh a hlan.

H&TE Minister Dr. R Lalthangliana chuan UPSC exam buatsaiha tithate chu a lawmpui thu leh chhuanawm a tih thu a sawi a, an thlen chinah lungawi mai lovin a aia nasa zawka tang zel turin a fuih. Minister chuan a bikin UPSC Civil Service Exam 2022-a interview thleng pha mi 2-te chu tun kumah la tling rihlo mah se, beidawng lova tan la sauh sauh tura fuihin, engtik niah emaw chuan an tum ram an thleng ngei ang tiin duhsakna a hlan. 

India ramah ziak leh chhiar thiam tam lamah Mizoram chu dinhmun 2-na hauh pha state a ni chungin hnamdang te el pha tur chuan thiamna tak tak neih a ngai a ti a. Tunlai khawvelah mahni subject theuh chu thiam hneh a ngai tawh, tiin thangtharte leh zirlaiten nasa lehzuala tanlak a ngai,a ti bawk.

Incentive Cash Award dawngte chu :

1. Dayne Thiamsangliana - UPSC (National Defence Academy) & Naval Academy Exam (II) 2019

2. Betty Lalrinfeli - UPSC Civil Service Exam, 2022 (interview thleng pha) leh

3. K. C. Zalena - UPSC Civil Service Exam, 2022 (interview thleng pha) te an ni.