ZALEN July 28, 2023 : Dr. Varsangzuali Varte, Associate Professor, Dept of History, Govt Hrangbana College chu Director, American Centre & Public Affairs Officer, US Consulate General, Kolkata in a sawm angin US sawrkarin ram danga tualto hnam te tana a buatsaih thin, International Visitor Leadership Program (IVLP) ah a tel dawn.

He program hming hi 1940 atanga kalpui tawh niin US sawrkar hian ram tana mi chhenfakawm tur nia an hriat te he huna tel tur hian an sawm thin a ni. Kar thum chhung awh tur he programme hi 'Celebrating Indigenous and Cultural Heritage' tih a ni a, July 31 atanga August 18, 2023 chhung awh tur a ni. IVLP program hi US sorkarin ram danga cheng tualto hnam (indigenous) ho zinga hruaitu nih tlingte puala a buatsaih thin a ni a. 

Tun tumah hian Washington DC ; Raleigh, North Carolina ; Wyoming leh Portland Oregon -ah te hun an hmang ang. North East atang mi 6 an tel dawn a - Khasi 2, Naga 2, Arunachal atangin 1 leh Mizoram atangin 1 a tel dawn a ni. US Department of State hian an zinna leh a thlenna senso zawng zawng a tum sak vel dawn a ni. Mizoram aiawhin tun tumah hian Dr. Vari hi sawm a ni.