ZALEN March 5, 2025; Health minister Lalrinpuiin Asian Development Bank (ADB) atangin US dollar maktaduai 108 puk tum a ni tih house a hrilh.

Vawiin assembly budget session a Serlui bialtu MLA Lalrinsanga Ralte zawhna ziaka a chhan danin, health minister chuan health care scheme atan ADB atangin pawisa puk tumna a awm a, sum puk tum zat chu US dollar maktaduai 108 a ni.

ADB loan puk tumna ah hian harsatna lian tham a awm hriat a ni lo a, amaherawhchu, proposal-ah siam that ngai a awm a, chu chu ADB duh angin siam that leh tawh a ni.

ADB atanga pawisa pukna tura Mizoram sawrkarin proposal a lo siam tawh chu Department of Economic Affairs, Ministry of Finance, Government of India in siamthat ngai lai a tih te ADB puihna in siam that tawh a ni a, ni 25.2.2025 khan proposal thar chu thehluh leh tawh a ni.