ZALEN May 10, 2025 : US President Donald Trump chuan India leh Pakistan ten inkahhai an remti tih a puan hnuah Foreign Secretary Vikram Misri chuan vawiin tlai khan Pakistan leh India nena inbiakna an neih hnuah inkahhaina hi pawm a nih a puang.

Indian Express in a tarlan danin US President Donald Trump chuan New Delhi leh Islamabad te chuan 'inkaihhai rang leh tluantling' an pawm a tih thu a puan hnuah. "United States ruahmanna a zan rei tak thleng inbiakna neih a nih hnuah, lawm takin India leh Pakistan te chuan inkahhai rang leh tluantling neih an remti tih ka sawi duh a ni. Ram pahnih te ka lawmpui a, an ngaihtuahna fim leh an ngaihtuahna fing tak hi a ropui. He thil thleng ngaihventute chungah ka lawm a ni," a ti.

He thu Trump-a'n a post hnu lawkah Pakistan Foreign Minister Ishaq Dar chuan, "Pakistan leh India chuan inkahai hi rang taka tihtawp kan pawm. Pakistan hi chuan remna leh himna helai ruama a thlen theihna turin theihtawp a chhuah reng a, a mimal hamthatna tur leh helai hmun himna tur hi a ngaihtuah ber a ni," a ti.