Novak Djokovic chuan Thawhtanni a tan tawh mai tur US Open khel turin New York a kal theih loh tur thu a sawi. 

Djokovic hi Covid-19 vaccine a lak loh vangin January thla khan Australian Open khelh phalsak a a ni lo va, tun tum US Open pawh hi vaccine lak loh vang bawk a khel lo tur a ni. 

United State hian October 2021 atang khan an ram tlawhtute reng reng Covid-19 vaccine la lo chu an ramah luh an phal tawh lo a ni. 

Serb Djokovic hi US Open khel thei tura beisei a nih laiin, ningani khan Twitter-ah,"US Open khel turin NY ka pan thei dawn lo va, a pawi hle mai," tiin post a siam a ni. 

Kum 35 mi hian a major title 21-na July thla khan Wimbledon a champion tumin a chawi a, mipa zinga la tam ber Rafael Nadal chu pakhatin a la phak lo a ni. Tun tumah umphakna hun tha tak a bawhpelh le dawn ta a ni. 

Djokovic chuan,"Thil a tluang zawngin ka ngaihtuah a, ka khelh ve leh theihna tur hun, hun tha a la rawn inher chhuah ngei ka beisei tlat a ni," a ti. 

Djokovic hi thawhtanni pawh khan khelh tum takin a la awm a, social media lamah pawh,"Tel ve min phalsak a hlau a nih chuan tha taka khel turin ka inpuahchah reng a ni," tiin post a siam a ni.