ZALEN July 31, 2025 : USA-a zin mêk Zoram Thar hruaitu Zaichhâwna Hlâwndo leh Lalruatfeli Hlâwndo te chuan Zofâte inpumkhatna atân hma an laknaah USA State hrang hrang Michigan, Georgia, Iowa, Wisconsin, Illinois, Indiana, Iowa, New York leh Colorado te fang kualin Kohhran 20 velah Pathian thusawi leh zâia rawngbâwlna an nei a, an thlen chinah an lawm hle.. 

USA-a Zo hnahthlâk Zofâte - Mizo, Chin, Lai, Mara, Zomi, Falam, Hakha leh Zotung Kohhran ten an lo dawngsawng tha an ti a. Biak In-a rawngbawlna mai bakah Kohhran bial inkhawmpui, Nuho leh Thalâi inkhawmpuiah te rawngbawlna an nei bawk. 

USA-a khawtlang leh Kohhran hruaitu pawimawhte sâwmbik an nih angin Zoram Thar chungchang zirhona leh sawifiahna hun (Zoram Thar Vision Sharing) pawh an nei bawk. USA-a Zofate pawhin Zoram Thar hmalakna an lo thlawp tha an ti. USA Zofâte zingah chibing indaidanna te thiat a, Zofate insuihkhawm nâna hmalak chu an duhin a pawimawh an ti. Inpumkhatna a taka a lo thlen zêl theihnana Zofate zawng zawng huapzo pawl Zoram Thar (NGO) Zofate Lairelna Inpui thawhpui tura an lo din pawh tha an ti.

July 24, 2025 zan khan hruaitu turte ruatin, USA Zoram Thar Zofate Lairelna chu an din a. Puipa tur leh Lairel member turin heng mite hi an ruat.

Hruaitu: Lal Edena 

Hruaitu Chhangdawl: Van Ceu Uk 

Ziaktute: H. Biakliana, Ruth Lalramengi; 

Sumvawngtu: Zohnemsangi

Sum Ziaktu: Richard Zosangliana

Thurawnpetute : Rev. Dr. Hre Mang (Indiana), Rev. Paul Albik Ceu (Michigan), Rev. Jacob Rodawla (Maryland), Rev. Thawng Lian (Indiana), Rev. Vanlaldinga (Indiana), Rev. Vanlalringa (Iowa), Rev. Sawma Buongpui (Texas), Rev. Philip Hreng Ling (Indiana), Rev. Thangzauva (Indiana), Pu Zosanga (Indiana)

Lairelna Memberte :Bawikhar Tlangmang (IN), Z. Erick Nollo (IN), Christian Zama (IA), Laltlankima (IA), Lalrozami (IN), Lalrammuani (MI), T. Thansangzuala (IL), Vanlalhruaia (IL), Rev. Laldinpuia (NC), Rev. Ronald Charles Nunuk (WI), Sarah Zo (IN), Lalhmingliani (IN), Zingtei Sui (IN), Zirliana (MI), Lalnunsiama (IA), Campingthanga Pachuau (IA), Rualkhuma (IA), K. Lalthlamuana (IA). 

Zoram Thar Zofate Lairelna Inpui hruatute hian USA a Sawrkar-mi leh mi pawimawh tak tak: Mr. Mike Naig, Iowa State Agriculture Secretary (Minister), Rabbi Jonathan Cahn, Beth Israel, Dr. Sasa leh Mr Jefferson Shreve, Member of the U.S. House of Representatives from Indiana’s 6th district te biakpawhna an nei a.

Zofate, thlahtu bul thuhmun vekte chu, India, Myanmar leh Bangladesh ah awmin, harsatna an tawh dan te, inpumkhatna tura hma lak mek a nih dante an titi pui.

Zoram Thar hruaitute hi USA ah an la cham dawn a, Maryland, North Carolina, Indiana leh Michigan state ah te thusawi leh zaia rawngbawlna te an neih zawh ah August 28, 2025 ah Mizoram lo hawn an tum.