Uttarakhand CM thar tur Pushkar Singh Dhami

Admin - Jul 04, 2021

Uttarakhand Chief Minister naupang ber tur a ni

Kum 45 mi chauh, Pushkar Singh Dhami chu Uttarakhand chief minister thar a ni dawn ta a, hill state-a chief minister naupang ber a ni ang.

A hma khan kum 49 mi niin Ramesh Pokhriyal Nishank kha chief minister a lo ni tawh a, ani kha an state-a ni thei naupang ber a ni.

Dhami hi Khatima bial, Kumaon-a vawi hnih BJP atanga MLA tum hnih lo ni tawh a ni a. An state chief minister 11-na a ni dawn a, thla li chhunga a palthumna tur niin tun hnaiah Trivendra Singh Rawat leh Tirat Singh Rawat te chu dinhmun inchuhna avangin an lo bâng tawh.

Dhami hi Defence Minister Rajnath Singh-a nena innel leh inkawm hnai an ni a. Uttarakhand chief minister hlui, Bhagat Singh Koshiyari-a Officer on Special Duty a ni thin bawk.

Kum naupang te niin, kum 1990 khan Dhami hian thalai politics a luhchilh a. Kum 1999 thleng khan BJP kalphunga theihna thuk tak nei, Rashtriya Swayamsevak Sangh (RSS) hnuaia thalai, Akhil Bharatiya Vidyarthi Parishad (ABVP)-ah a tal na hle thin.

Chief minister thar tur hian a website-ah an state dinhmun a hriat chian thu a sawi a. Uttarakhand state a din tan lai atanga kum 2002 thleng chief minister adviser a nih thu a sawi.

Hemi hnuah hian kum 2008 thleng an state-a Bharatiya Janata Yuva Morcha-ah chief  a ni a. Hetih hun lai hian Dhami hian thalai intawh khawm a huaihawt nasa hle thin.

“Kan nawrna avangin khatih laia sorkar khan kan state-a industry-ah kan thalai 70% tan hna a hausak phah a ni,” a ti bawk.

BJP-in chief minister atana Dhami-a a ni dawn tih an puan hma hian MLA zahve dawn chu a dinhmun luahtu tura sawi rik an ni hman a. Heng zingah hian Satpal Maharaj, Dhan Singh Rawat te pawh an tel.

Party hruaitu thenkhatte chuan chief minister hlui, Trivendra Singh Rawat chu an rawt leh niin PTI chuan a tar lang bawk.

Chief minister kal chhuak ta, Tirath Singh Rawat hi March atanga ni tan kha niin Trivendra Singh Rawat nena inngeih vak lo an ni a. September 10-a an inthlanah khan Tirath Singh Rawat hian hnehna changin chief minister dinhmun a nih theih phah a ni.

Uttarakhand chief minister tang lai, Tirath Singh Rawat hian Zirtawpni khan bânna a thehluh a. March 10 khan a nihna hi a chelh tan a, thla ruk chhunga assembly member a nih theih dawn tak loh vangin a nihna hi a chhuahsan a ngai ta a ni. 

September 10 thleng hi hun la nei mah se Election Commission (EC) chuan ram chhung hmun hrang hranga Rajya Sabha leh assembly seat awla bye-election neih a la remtih rih lo va. Inthlan that mamawh state hrang hrang  Covid-19 dinhmun zirchian phawt a ngai niin EC thuneituten an sawi.

Delhi-a BJP hotu liante nen an inkawm hnuah Tirath Singh Rawat hian governor hnenah bânna a thehlut ta a ni.

Share now