Aizawl: Nimin khan Khatla South Local Council hmalakna in Vailui thenfai hnatlang neih a ni a, mi 390 vel hnatlangin bawlhhlawh tawihtheilo bag 403 leh satha ip bag 45 an paih.

Hnatlang hmanpuitu Aizawl West III bialtu MLA VL Zaithanzama chuan, “Ka bial chhungah hetianga Vailui thenfai hna thawk tura Khatla South Local Council leh veng mipuiten hma in hruai hi Aizawl khawpui tan chuan thu lawmawm tak a ni a. Kan tui tlan ber, Tlawng lui hnar tifai turin hnatlanga thawk chhuak mipuite ka sawm duh a, nakin zelah pawh hma thar lain huang kan zauh zel ang,” a ti a. Hnatlang a feh chhuak te thingpui inna tur Rs 5000/- a hlan.

Chief Secretary Lalnunmawia Chuaungo pawhin, "Vailui thenfai hna hi vawi khata zawh tur a ni lo va, vawiin hi a bul tanna chauh a ni. Hei hei hian Vailui hrula in leh lo neiteah leh mipuiah zirtirna (awarness) pe se, Aizawl khawpui tuilakna hnar Vailui thianfai tur a, Khatla South Local Council Member-te hmalakna avangin lawmthu ka sawi a ni,” a ti bawk.