Nimin khan Vairengte Kuhva Society ten a ruka Assam lam pan pui tur Myanmar kuhva ro an man.

Vairengte Kuhva Society te hian an Kuhva thar leitu tur an hmuh loh chhan chu Myanmar atanga dan lova kuhva ro tawlhruk vang a ni tiin, tunhnai atang khan kuhva ro tawlhruk tih tawp tuma beihpui thlakin hmun remchang ah chhun zan zawmin duty an in siam thin a ni.

Hetih lai hian nimin khan an thu dawn bawhzuiin, kawngpui helin Vairengte tlak lam Aitlang rama ramri kawng laih ah Kuhva ro phur Tata yoda leh pickup motor 7 chu kawng nal leh diak avanga an tang nangchingin an man a, heng kuhva neitute hi tumah hmuh tur an awm loh avangin tu ta nge tih hriat a ni lova, motor pakhat hian Kuhva bag 20 vel zel phurin society hruaitute hian a hmunah an tihchhiatsak nghal a ni.

Kuhva phurtute hian an motor tang buaipui nan JCB an hmanga, an kuhva phurh te pawh motor atangin an lo hlang thla vek bawk. Society hruaitute sawi danin he kawng atang hian Assam lam panin, ramri ah an in hlanchhawng \hin niin an sawi bawk.