ZALEN Feb 8, 2025; Nimin zing khan Vairengte police check ah dan lo a Mizoram a phurh luh tur sap zu chi hrang hrang cheng 4,36,464 man hu chu motor pahnih atangin Police ten an man chhuak.

Heng sap zu te hi nimin zing dar 7:30 khan motor pahnih (Container truck) atangin man chhuah a ni a, Kajol Deb Burma (40), Ujan Fatikchakra, Rajghat, West Tripura khalh truck AS-01-NC-6790 atangin Case 73 man a ni a, zu man te hi Royal Stag Whisky case 52, Kingfisher Beer case 16, Tuborg beer case 5 niin heng te hi Rs. 3,45,504 man leh Dhanu Debbarma kum 35 Chakmaghat, Telliamura Khowai, Tripura khalh truck AS-01-RC-1761 atangin sapzu case 22 man a ni a, zu man te chu Iconic White Whisky case 7, Royal Stag Whisky case 6 leh Kingfisher beer case 9 niin heng te hi cheng 90,960 man a ni.

Heng zu phurtu truck driver pahnih te hi Police te chuan manin, thubuai an siam sak a, thudawnna chuan heng zu te hi Aizawl, Rangvamual Truck Terminal a unload tur a nih thu a sawi bawk. Zu phurtu bakah hian an lirthei pawh hren tel nghal a ni a, vawiin lam hian Kolasib District Court ah thawn an ni ang.