ZALEN Oct. 26, 2024; Chief minister Lalduhoma'n Vairengte - Sairang NH four lane laih tur zangnadawmna pek tur chungchanga buaina awm chu chin fel a ni dawn tih a sawi a, sum pawh ruahman a nih thu a sawi.

Vawiin tlai dar 4:30 a CM conference hall a thuthar thehdarhtute a kawmnaah he thu hi sawiin, central sawrkar hotute a dawrna-ah Vairengte - Sairang NH kawng laih tura ram neitute leh forest department thu inchuh chungchang a thlen tih a sawi a, thil theih loh nia ngaih angin ruahmanna siam a nih thu a sawi.

"Heng lai hmun forest department leh ram neituten an ta nia an chhal ve ve hi, an inchhal angin pawmsak ve ve i la, chumi ang chuan sum ruahman turin kan ngen a, kan ngen angin, forest department tan zangnadawmna Rs. Vbc. 90 leh ram neitute tan Rs. Vbc. 1,100 dah a ni," a ti bawk.

#ZalenNews #Vairengte #Zangnadawmna