Aizawl: Mizo pasaltha hmingthang Vanapa (Thangzachhinga) tu leh fate chuan December ni 5,2019 hian an pu thlan Hnahlan ram Tuithoh kamah amah hriat rengna lungphun an tum. Ruahman dan chuan lungphun hi Vanapa tu leh fate mai bakah Hnahlan khawtlang tangrual te nen ropui taka neih tum a ni a, tlaiah khawtlang huapa ruai theh tum a ni bawk.

Vanapa phumna chungchangah hian thu inchuh a awm a, mi thenkhatin Hnahlan ram Tuithoh kamah an phum nia an sawi laiin thenkhat chuan Rabung rama Zawlsei hmunah phum niin an sawi thung a. Vanapa tu-chhuante chuan an pi leh pu atanga thu an inhlan chhawn danah an pu Thangzachhinga (Vanapa) chu Hnahlan ram, Tuithoh kamah phum a ni, an ti a. Hmundang chu an pawm lo tih sawiin an pu phumna ngei nia an hriatah a lung hi phun an tum ta a ni.