ZALEN July 7, 2025; Bible vawi 1 ziah chhuah pawh thil harsa a ni, Ramhlun North a khawsa Mathiangi chuan kum 10 chhungin vawi 12 a ziak chhuak thei.

Bible nena an inkar thu heti hian a sawi. "Ni 7.7.2015 khan Bible ka ziak ṭan a, vawiin hi a kum 10 na a lo ni ve reng mai. Kum 10 chhunga vawi 12 lai ziak chhuak thei tura hriselna min petu kan LALPA chu fakin awm se.

Bible ka ziah chhung kum hian chhungkua leh mimal tak pawhin harsatna tam takte kan hmachhawn ve a, chung zawng zawng-ah chuan ka tlan luhna ber a ni...

Bible hmaah hian ka lawm avangte, ka lungngaih avangte hian vawi tam tak ka ṭap a, zan ka mut theih loh changte hian Bible hmaa ka ṭhut tlawk tlawk zan lah atam, khang hun harsa tak tak ka tawh lai pawha beidawnna ruam atanga beiseina min petu a nia, ka tan hian a hlu tak zet a, a hlu zual zel bawk ang," tiin a facebook page-ah a tarlang.

#ZalenNews