ZALEN April 28, 2025 : Mizoram Poor Federation chuan MLA te pawhin an thlatin hlawh atanga Health Care atan an thawh dawn laiin sawrkar hnathawk ten an hlawh cut sak na an ti chu an hrethiam lo a, district hrang hrang an tlawhnaa VC 13 te chuan hospital thenkhat MUHCS zawm lo te kar nan kawng zawh an inhuam niin an sawi bawk.

Poor Federation chuan kum 5 chhung chauh atana thlan tlin MLA te pawhin thlatin an hlawh atanga Health Care atan Rs.1,500/- dah an inhuam laia state Budget atanga 82% zet an hlawh leh inrelbawlna atan hmangtu sawrkar hnathawk te’n an inenkawlna tur an hlawh atanga thlatin sawrkarin a cut-sak hi state hausa zawka thawkte pawhin an cut laia an rilru a na hi chu mahni chauh an invulh nia an hriat thu an sawi.

Mizoram Poor Federation chuan, "MUHCS zawm ve lo Non-government Hospital te sawiin VC 13-a Public Meeting an neih atangin MUHCS zawm (join) ve tura ngenna kawng zawh pawh a tul chuan Aizawl-ah neih tha kan ti a, hetiang hian Resolution kan passed:"

“Mizoram Poor Federation, Gen. Hqrs, Aizawl in Mizoram Universal Health Care Scheme (MUHCS) awareness an neih atangin Mirethei/Mipui hmakhua ngaia Mizoram Non-government Hospital zingah Mizoram Universal Health Care Scheme (MUHCS) la zawm lote hi zawm (join) vek turin kan ngen takzet a ni,” an ti.