ZALEN February 14, 2025 : MNF Thalai chuan a nawlpuiin mipuiin ZPM sawrkar ah an beisei an hmulo tih chu tlang hriat a ni a. Tunhnaia VC leh LC Results hian a rawn nemnghet chiang hle a ni, an ti.

MNYF chuan, "Bial hrang hranga thalaite vote kaldan (voting behaviour) kan zirchianin MLA Election 2023-a Thalaiten ZPM party an bawh hum hum hun kha a liam a, Hnam Party (MNF) hi Thalaiten an vote nasa tih a lang chiang hle a ni. Ruling party ni chunga tawktarh chi hrang hrang an tiam chungin ZPM party an che chhe tak zet a ni."

"Hei hi kum 1 chhung leka sawrkarna an kalpui dan that loh vang leh an thutiamte an hlen loh vang a ni. MNF thalai chuan Myanmar nena kan inkalpawh theihna dan FMR hlih leh Border fencing chungchanga Mizoram sawrkarin mipui duhdan a tan ngam lo hi demawm kan ti takzet a ni," an ti.

MNYF Hqrs President leh MLA ni bawk Robert Romawia Royte chuan, "Mizoram hmun hrang hranga thalaite lo tho chhuaka ram leh hnam chhana hmasawnna kawng dika Zoram hruai turin kan sawm tak meuh meuh a ni," a ti.